الخميس 09/مايو/2024 - 09:08 م

حالة من الغضب انتابت أولياء أمور مدرسة الشهيد عصام الحسيني الإعدادية بقرية ميت تمام التابعة لمركز منية النصر في محافظة الدقهلية، بعد تسريب وتكرار مادة العلوم في الصف الثاني الإعدادي.

إحنا عايزين حق ولادنا.. غضب بين أولياء الأمور  

وكشفت إحدى أولياء الأمور تفاصيل تسريب وتكرار مادة العلوم لـ القاهرة 24 قائلة: المدرس جمع الطلاب اللي بياخدوا عنده درس ليلة الامتحان في بيته وصور لهم امتحان 2021-2022 وحل معاهم والطلاب ذهبوا إلى الامتحان ولقوه بالنص والترتيب ونفس الأسئلة بتاعت امتحان 2021 -2022 باستثناء بعض الأسئلة.

وأضافت: الطلاب اتقهرت من اللي حصل، إحنا كأولياء أمور تعبنا.. واتظلمنا لأن تعبنا راح هدر.

وتابع ولي أمر آخر: ولادنا مصدومين من اللي حصل وعايزين الامتحان يتعاد علشان كل الطلاب.. ومحدش يتظلم وواثقين إن تعليم الدقهلية هياخد إجراءات لصالح الطلاب كلها.